فری اینڈ فیئر الیکشن نیٹ ورک (فافن) نے این اے 249 میں ہونے والے ضمنی الیکشن سے متعلق رپورٹ جاری کردی ہے۔

فافن کی رپورٹ کے مطابق این اے 249 میں ووٹر ٹرن آوٹ 21.6 فیصد رہا،ووٹر ٹرن آؤٹ رمضان اور گرم موسم کے باعث کم رہا۔

فافن کے نمائندوں نے 27 پولنگ  اسٹیشنوں پر گنتی کے عمل کا مشاہدہ کیا۔

رپورٹ کے مطابق ایک پولنگ اسٹیشن پر پولنگ اور سیکیورٹی اسٹاف نے گنتی کے عمل کا مشاہدہ کرنے کی اجازت نہیں دی، پولنگ اسٹاف  نے 27 میں سے 4 پولنگ اسٹیشنز پر فارم 45 پولنگ ایجنٹس کو مہیا نہیں کیا۔

رپورٹ کے مطابق پولنگ اسٹاف نے سات پولنگ اسٹیشن کے باہر فارم 45 نہیں لگایا،تین پولنگ اسٹیشن پر اسٹاف نے فارم 45 فافن کے نمائندوں کو فراہم نہیں کیا۔