وزیر مملکت اطلاعات و نشریات فرخ حبیب نے کہا ہے کہ کم آمدنی والے محنت کش، چھوٹے کاروبار اور نوکری پیشہ افراد تقریباً  10 ہزار روپے ماہانہ قسط ادا کر کے اپنے مکان کے مالک بن جائیں گے۔

تفصیلات کے مطابق وزیر مملکت اطلاعات و نشریات فرخ حبیب نے سماجی رابطے کی ویب سایٹ ٹویٹر پر اپنے ایک پیغام میں کہا کہ اپنا گھر خواب کی تکمیل کو وزیراعظم عمران خان نے اپنی دن رات محنت سے حقیقت میں بدل دیا ہے۔

اپنا گھرخواب کی تکمیل کو وزیراعظم عمران خان نے اپنی دن رات محنت سےحقیقت میں بدل دیاہےپہلےمرحلہ میں پنجاب کی 39تحصیلوں میں 41مقامات پر 10ہزار سستےگھر 1سال کی مدت میں مکمل ہونگے۔وزیراعظم عمران خان کل بروزجمعرات لاہور میں رائیوینڈ سمیت10تحصیلوں میں بیک وقت تعمیر کا سنگ بنیاد رکھے گے

— Farrukh Habib (@FarrukhHabibISF) May 5, 2021

اس پیری اربن منصوبہ کے تحت3.5 مرلہ کے مکان پر15 لاکھ روپے لاگت آئےگی جس میں حکومت پاکستان 3 لاکھ روپے فی گھر سبسڈی ادا کرے گی اور کم آمدن والے محنت کش، چھوٹے کاروباراور نوکری پیشہ افراد تقریباً 10 ہزار روپے ماہانہ قسط ادا کرکے اپنے مکان کے مالک بن جائے گے

— Farrukh Habib (@FarrukhHabibISF) May 5, 2021

فرخ حبیب نے کہا کہ پہلے مرحلے میں پنجاب کی 39 تحصیلوں میں 41 مقامات پر 10 ہزار سستے گھر 1 سال کی مدت میں مکمل ہوں گے۔

فرخ حبیب کا کہنا تھا کہ عمران خان کل بروز جمعرات لاہور میں رائیوینڈ سمیت 10 تحصیلوں میں بیک وقت تعمیر کا سنگ بنیاد رکھیں گے۔

 وزیر مملکت اطلاعات و نشریات فرخ حبیب کا مزید کہنا تھا کہ ‏اس پیری اربن منصوبے کے تحت 3.5  مرلہ کے مکان پر 15  لاکھ روپے لاگت آئے گی جبکہ حکومت پاکستان 3 لاکھ  روپے فی گھر سبسڈی ادا کرے گی۔