انجمن تاجران کراچی نے8 سے 16 مئی تک کے لاک ڈاؤن کو مسترد کردیاہے۔

انجمن تاجران سندھ کے صدرجاوید شمس نے بیان جاری کرتے ہوئے کہا کہ تاجر برادری 8سے 16 مئی کے لاک ڈاؤن کے فیصلے کی شدید مذمت کرتی ہے، اس فی الفور واپس لیاجائے۔

جاوید شمس کا کہنا ہے کہ لاکھوں تاجر روزانہ کی بنیاد پر اپنی روزی کماتے ہیں، کراچی انٹرنیشنل شہر ہے یہاں پورے پاکستان کے لوگ کروبار کرتے ہیں۔سب کو بے روزگار کیا جارہا ہے۔

انہوں نے کہا کہ قبل از وقت لاک ڈاؤن کے اعلان سے مارکیٹوں میں رش کئی گنا بڑھ گیاہے، وفاقی اور صوبائی حکومت کی غلط پالیسی کے باعث مارکیٹیوں میں ایس او پیز پامال ہونگے۔

انہوں نے کہا کہ حکومتی ناقص حکمت عملی کا خمیازہ تاجر اور عوام دونوں کو بھگتنا پڑے گا، حکومت مارکیٹیں اور دکانیں سیل کرنا فوری بند کرے اور تمام سیل شدہ دکانیں اور مارکیٹیں کھولی جائیں۔

جاوید شمس نے مزید کہا کہ حکومت سنجیدگی کا مظاہرہ کرتے ہوئے تاجروں کی مشاورت سے لائحہ عمل مرتب کرے، چند دن مزید بڑھانے سے مارکیٹیوں میں رش کم ہوگا۔

انہوں نے کہا کہ کورونا سے بچنے کے لیے دیر تک مارکیٹس کھولنے کے سوا کوئی حل نہیں ہے۔