عید پر قیدیوں کے لئے ریلیف،فلاحی ادارے نے لاکھوں روپے کے جرمانے ادا کر دیے۔

تفصیلات کے مطابق عبدالعلیم خان فاؤنڈیشن نے کوٹ لکھپت اور اڈیالہ جیل سے 50سے زائد قیدی رہاکروا دیےہیں۔

ذرائع کے مطابق یہ50سے زائد قیدی مختلف معمولی جرائم میں سزائیں بھگت چکے تھے،جرمانے دینا باقی تھے۔

ذرائع نے بتایا کہ لاہور،قصور،شیخوپورہ،گجرات و دیگر شہروں کے قیدیوں نے رہائی پر تشکر و دعاؤں کا اظہار کیا ہے۔

ذرائع نے بتایا کہ جیل حکام کو فلاحی ادارے نے قیدیوں کی دیت اور واجب الادا رقوم کیش میں جمع کروا دیں۔

سینئر وزیر عبدالعلیم خان کا کہناہے کہ قیدیوں کی رہائی خالصتاً انسانی ہمدردی کی بنیاد پرکرائی ہے، جرمانے اور دیت نہ ادا کر پانے والے ذہنی اذیت میں مبتلا تھے۔

سینئر وزیرپنجاب نے کہا کہ نفرت جرم سے ہونی چاہیے،مجبوراً قید شہریوں کی مدد ضروری ہے،امید ہے یہ قیدی جیلوں سے نکل کر معاشرے کے مفید شہری بنیں گے۔

عبدالعلیم خان نے کہا کہ فاؤنڈیشن مختلف جیلوں میں اصلاحات کے لئے بھی عملی اقدامات کر رہی ہے۔