پاکستان شوبز انڈسٹری کی مقبول اداکارہ صبا قمر نے فلسطینیوں کی شہادت پر افسوس کا اظہار کیا ہے۔

صباقمر نے فوٹو اینڈ ویڈیو شیئرنگ ایپ انسٹاگرام اکاؤنٹ پر فلسطینیوں پر ہونے والے مظالم پر غصہ اور افسوس کا اظہار کیا ہے۔

اداکارہ نے بھی غزہ پر اسرائیلی بمباری سے معصوم بچوں سمیت 20 فلسطینیوں کی شہادت پر دکھ کا اظہار کیا ہے۔

صباقمر کی جانب سے شیئر کی جانے والی انسٹااسٹوری میں دیکھا جا سکتا ہے کہ  ایک معصوم فلسطینی بچہ ہاتھ میں مسجدالاقصٰی کی تصویر اور فلسطین کا جھنڈا تھامے اداس کھڑا نظر آرہا ہے۔

تصویر شیئر کرتے ہوئے اداکارہ نے لکھا کہ خدا کے لیے فلسطین کو سانس لینے دو۔

گزشتہ رات غزہ پراسرائیلی فوج نے وحشیانہ بمباری کی جس کے نتیجے میں معصوم بچوں سمیت 20 فلسطینی شہید ہو گئے تھے۔