وزیراعلیٰ پنجاب سردار عثمان بزدار نے کہا ہے کہ گھروں کا رقبہ تین سے بڑھا کر ساڑھے تین مرلے کیا گیا ہے۔

تفصیلات کے مطابق وزیراعلیٰ پنجاب سردار عثمان بزدار نے رائیونڈ روڈ پر کم لاگت ہاؤسنگ اسکیم کے منصوبے کی تقریب سے خطاب کرتے ہوئے کہا کہ پنجاب میں ایفورڈ ایبل ہاؤسنگ منصوبے کیلئے133 مقامات کی نشاندہی کی گئی ہے، 32مقامات پر ترجیحی بنیادوں پر کام شروع کیا جائے گا۔

وزیراعلیٰ پنجاب نے کہا کہ گھروں کا رقبہ تین سے بڑھا کر ساڑھے تین مرلے کیا گیا ہے، بینک آف پنجاب دس لاکھ روپے قرض فراہم کرے گا۔

سردار عثمان بزدار نے یہ بھی کہا کہ رائیونڈ روڈ پر کم لاگت ہاوسنگ اسکیم کے منصوبے کے تحت بننے والے ہر گھر کا رقبہ ساڑھے 3 مرلے ہوگا۔

وزیراعلیٰ پنجاب سردار عثمان بزدار نے مزید کہا کہ عوامی سہولت کیلئے گھر کی قیمت 14لاکھ 30ہزار روپے مقرر کی گئی ہے۔ گھر کی قیمت 10 ہزار روپے ماہانہ قسط کی صورت میں وصول کی جائے گی۔