پاکستان سپر لیگ(پی ایس ایل) کے چھٹے سیزن کے بقیہ میچز کا باقاعدہ آغاز 1 جون سے ابوظہبی میں کیا جائیگا۔

تفصیلات کے مطابق پی ایس ایل کی ٹیم کوئٹہ گلیڈی ایٹرز کے ایک کھلاڑی کی کورونا رپورٹ مثبت آگئی ہے جس کے نتیجے میں کھلاڑی کو سیزن  سے باہر کردیا گیا ہے۔

پی سی بی ذرائع کے مطابق مذکورہ کھلاڑی اب ٹیم کے ہمراہ ابوظہبی کے لیے سفر نہیں کرسکیں گے ان کو فی الحال کراچی کے ہوٹل میں علیحدہ منزل پر قرنطینہ میں بھیج دیا گیا ہے۔

گزشتہ روز ہوٹل پہنچنے پر مذکورہ کھلاڑی کا کورونا ٹیسٹ کیا گیا تھا۔

واضح رہے کہ کورونا وائرس کے پیش نظر پی ایس ایل کے میچز تاخیر کا شکار ہوئے تھے۔