وزیراعظم عمران خان نے ترک صدر طیب اردگان سے ٹیلیفونک رابطہ کیا ہے۔

اعلامیے کے مطابق دونوں رہنماؤں نے مسجد اقصیٰ پر رمضان میں ہونے والے اسرائیلی حملوں پر گفتگو کی ہے۔

اعلامیے میں کہا کہ اسرائیل نے حملہ  کر کے عالمی قوانین کی خلاف ورزی کی ہے۔

گفتگو کے دوران دونوں رہنماؤں نے  حملوں کو رکوانے کے لئے مشترکہ کوششوں پر اتفاق کیا ہے۔

اعلامیے میں یہ بھی کہا کہ اقوام متحدہ اور عالمی برادری سے بات چیت کی جائے گی۔

گفتگو میں دونوں ممالک نے مسئلہ فلسطین کو اٹھانے کے لئے کام کرنے پر بھی اتفاق کیا ہے۔

اس موقع پر دونوں رہنماؤں نے خطے کی سیکیورٹی صورتحال پر بھی غور کیا ہے۔

وزیراعظم عمران خان نے کہا کہ افغانستان کے پرامن اور سیاسی حل کے لئے کوششیں جاری رکھیں گے جبکہ وزیراعظم نے افغان امن عمل میں ترکی کے کردار کو بھی سراہا ہے۔

اعلامیے کے مطابق دونوں رہنماؤں نے دو طرفہ تعلقات کی مضبوطی کے حوالے سے بھی گفتگو کی ہے جبکہ پاکستان اور ترکی کے درمیان اعلیٰ سطحی رابطے جاری رکھنے پر بھی اتفاق کیا ہے۔

اعلامیے میں مزید کہا کہ دونوں رہنماؤں نے ایک دوسرے کو عید الفطر کی مبارکباد بھی دی ہے۔