سعودی سفیر نواف سعید المالکی نے کہا ہے کہ  سعودی عرب اور پاکستان کے تعلقات منفرد اور اعلیٰ سطح کے ہیں۔

تفصیلات کے مطابق سعودی سفیر نواف سعید المالکی نے اپنے ایک بیان میں کہا کہ سعودی عرب اور پاکستان میں اعلیٰ رابطہ کونسل کے قیام کا معاہدہ ہو گا جبکہ دونوں ممالک کے درمیان متعدد معاہدے بھی ہوں گے۔

سعودی سفیر نے کہا کہ کونسل میں سعودی عرب کی طرف سے ولی عہد شہزادہ محمد بن سلمان اور پاکستان کی جانب سے وزیراعظم عمران خان قیادت کریں گے۔

سعودی سفیر نواف سعید المالکی کا مزید کہنا تھا کہ نئے معاہدوں سے دوطرفہ تعلقات مزید گہرے ہوں گے جبکہ سعودی عرب اور پاکستان کو جوڑنے والے رشتے بھی مضبوط ہوں گے۔