بالی ووڈ کی معروف سابقہ اداکارہ ثناء خان کے شوہر مفتی انس کی طبیعت ناساز ہوگئی۔

سابقہ اداکارہ ثناء خان نے اپنے شوہر کی طبیعت کے حوالے سے فوٹو اینڈ ویڈیو شیئرنگ ایپ انسٹاگرام اسٹوری کے ذریعے خبر دی ہے۔

ثناء خان نے بتایا کہ مفتی انس کی طبیعت زیادہ خراب ہونے پر  انہیں اسپتال منتقل کر دیا گیا ہے۔

گزشتہ روز ثناء خان نے اپنے تصدیق شدہ انسٹاگرام اکاؤنٹ کی اسٹوری میں ایک ویڈیو شیئر کی جس میں اُن کے شوہر مفتی انس اسپتال میں موجود تھے۔ْ

انسٹاگرام اسٹوری میں دیکھا جا سکتا ہے کہ مفتی انس کو ڈرپ لگ رہی۔

ثناء خان نے ویڈیو شیئر کرتے ہوئے لکھا کہ مفتی انس کی جلد صحتیابی کے لیے دُعا کریں۔

سابقہ اداکارہ نے بتایا کہ اُن کے شوہر کو ایک دن میں تین مخلتف اوقات میں ڈرپس لگائی گئی ہیں کیونکہ وہ بہت کمزوری محسوس کررہے ہیں۔

اُنہوں نے بتایا کہ مفتی انس کو مختلف ملٹی وٹامنز دیے گئے اور ڈرپ بھی لگائی گئی ہے کیونکہ یہ سب اُن کی صحت کے لیے بہت ضروری ہیں۔

مفتی انس کی طبیعت کے حوالے سے سابقہ اداکارہ نے بتایا کہ ڈاکٹر نے مفتی انس کے تمام ضروری ٹیسٹ کرلیے ہیں تاہم رپورٹس کے بعد اسپتال سے ڈسچارج ہوکر گھر آگئے ہیں۔

واضح رہے کہ ثناء خان نے گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی۔

بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے اپنی شادی سے قبل اسلام کی خاطر شوبز انڈسٹری چھوڑنے کا اعلان کیا تھا۔

اس موقع پر ثناء خان کا کہنا تھا کہ اب وہ اپنی زندگی انسانیت کی خدمت میں اور اللّٰہ تعالیٰ کے احکامات کے مطابق گُزاریں گی۔