کورونا وائرس کی تشویش ناک صورتحال کے پیش نظر لاہور میں آج اور کل مکمل لاک ڈاؤن لگا دیا گیا ہے۔

تفصیلات کے مطابق ضلعی انتظامیہ کی جانب سے مکمل لاک ڈاؤن کا نوٹی فکیشن بھی جاری کر دیا گیا ہے۔

کمشنر لاہور کیپٹن (ر) محمد عثمان کا اس حوالے سے کہنا ہےکہ آج اور کل لاہور شہر میں مکمل لاک ڈاؤن ہوگا، تمام قسم کے کاروبار اور مارکیٹیں مکمل بند رہینگی۔

کمشنر لاہورنے مزید کہاکہ صرف میڈیکل اسٹورز، پٹرول پمپس، ویکسی نیشن سینٹرز،بیکریاں اور سبزی کی دوکانیں کھلی رہینگی۔

انہوں نے مزید کہاکہ بین الصوبائی ٹرانسپورٹ پر بھی مکمل پابندی ہوگی۔