مریم نواز نے کہا ہے کہ جھوٹے اور جعلی معاشی اعدادوشمار پر روزانہ ٹویٹ کرنے والے گمشدہ ہیں ۔

تفصیلات کے مطابق پاکستان مسلم لیگ (ن ) کی ترجمان مریم اونگزیب نے اپنے  جاری کردہ بیان میں کہا ہے کہ عمران صاحب کرائے کے ترجمانوں کا یہی مسئلہ ہوتا ہے کہ وہ سچائی بے نقاب ہونے اور مشکل پڑنے پر فرار ہوجاتے ہیں۔

پاکستان مسلم لیگ ( ن )کی ترجمان کا کہنا ہے کہ معاشی حقائق قوم کے سامنے آنے پر عمران صاحب اور کرائے کے ترجمان ویسے ہی غائب ہوگئے ہیں جیسے ایک کروڑ نوکری اور پچاس لاکھ گھر کاوعدہ کر کے غائب ہوئے تھے۔

ان کا کہنا ہے کہ مسلم لیگ (ن) کے پری بجٹ سیمینار سے عمران صاحب اور ان کے کرائے کے ترجمان لاپتہ ہوگئے ہیں۔

انھوں نے کہا کہ عمران صاحب اور ان کے کرائے کے ترجمان اینکرز اور صحافیوں کے جوابات دینے کے بجائے مفرور ہیں، عمران صاحب 15000 ارب روپے کے ملک وقوم پر بڑھتے ہوئے قرض کا کوئی جواب نہیں دے رہے ہیں۔

ان کا کہنا ہے کہ کہ مالیاتی خسارہ پاکستان کی تاریخ میں بلند ترین9.1 فیصد اور 8.1 فیصد ہےجبکہ 2019 میں 2.1 فیصد اور 2020 میں 0.5 فیصد شرح نمو ہو رہی ہے جو 1952 کے بعد سب سے کم ترین سطح تھی، رواں برس ایک بار پھر بدقسمتی سے بجٹ خسارہ جی ڈی پی کے 8 فیصد سے زیادہ ہوگا اس کا جواب دیں۔

 مریم اورنگزیب نے کہا کہ تین سال میں پی ٹی آئی بجٹ خسارے 10000 ارب روپے سے بڑھ جائیں گےاس کا کوئی جواب دے گا۔

انھوں نے عمران خان  سے سوال پوچھتے ہوئے کہا کہ 40 فیصد روپے کی قدر میں کمی کے باوجود درآمدات میں صرف ایک فیصد اضافہ کیوں ہوا؟ جواب دیں اور آٹے (گندم) کی قیمت 70 روپے فی کلو اور چینی کی قیمت 110 روپے کلو ہے، اس کا جواب دیں، پانچ کروڑ لوگ غریب اور بے روزگار ہوگئے، اس ظلم اور بربادی کا جواب دیں۔