سابق وزیر خزانہ مفتاح اسماعیل نے کہا ہے کہ پی ٹی آئی نے معیشت سے کھلواڑ کیا ہے۔

تفصیلات کے مطابق سابق وزیر خزانہ مفتاح اسماعیل نے میڈیا سے گفتگو کرتے ہوئے کہا ہے کہ پی ٹی آئی نے ملک کا قرضہ 15 ہزار ارب روپے بڑھایا ہے ، عمران خان تو لنگر خانے بھی سیلابی ویلفیئر سے لیتے ہیں۔

انہوں نے مزید کہا کہ خان صاحب نےحکومتی قرضے اور سرکاری اداروں کے قرضے 45 ہزار ارب تک پہنچا دیے ہیں۔

وزیر خزانہ مفتاح اسماعیل نے کہا کہ خان صاحب کے دور میں مالیاتی خسارہ سال 2019 میں 9 فیصد اور 2020 میں 8 فیصد سے زیادہ تھا۔

انہوں نے یہ بھی کہا کہ شوکت ترین نے بھی تسلیم کیا شرح منافع بڑھنے سے قرضہ بڑھا ہے ، انہوں نے کرنسی کی قدر کم کرکے 3 سال میں صرف 1 فیصد برآمدات بڑھائی ہیں۔