پاکستان پیپلز پارٹی کی مرکزی سیکریٹری اطلاعات شازیہ مری نے  کہا ہے کہ عمران خان سب سے بڑے کرپٹ ہیں۔

تفصیلات کے مطابق پاکستان پیپلز پارٹی کی مرکزی سیکریٹری اطلاعات شازیہ مری نے میڈیا سے گفتگو کرتے ہوئے وزیراعظم عمران خان کو سب سے بڑا کرپٹ قرار دے دیا۔

شازیہ مری نے کہا کہ پاکستان کا سودا ہورہا ہے بند کمروں میں آئی ایم ایف کے ساتھ ڈیل ہورہی ہے، آئی ایم ایف سے بند کمروں میں معاملات طے نہ کیے جائیں۔

پاکستان پیپلز پارٹی کی مرکزی سیکریٹری اطلاعات نے یہ بھی کہا کہ عمران خان مہنگائی اور کرپشن ختم کرنے کا کہتے تھے اور وہ اپنے دعویٰ کے مطابق اسے ختم نہ کرسکے۔

 شازیہ مری کا کہنا تھا کہ اب یہ حکومت پریس کانفرنس کے علاوہ کچھ نہیں کرتی، ان کے جھوٹ کا پلندہ اب بے نقاب ہوگیا ہے۔

پاکستان پیپلز پارٹی کی مرکزی سیکریٹری اطلاعات شازیہ مری کا مزید کہنا تھا کہ صرف گروتھ مہنگائی کی ہورہی ہے ، جو گروتھ ریٹ حکومت بتارہی ہے ہمیں اس کا یقین نہیں۔یہ لوگ آئی ایم ایف کے ساتھ بیٹھ کر کہ بجٹ بنا رہے ہیں۔

واضح رہے اس سے قبل پاکستان پیپلز پارٹی کی مرکزی سیکریٹری اطلاعات شازیہ مری نے پی ڈی ایم اجلاس پر ردعمل دیتے ہوئے کہا تھا کہ آج پی ڈی ایم کا اجلاس پیپلز پارٹی اور اے این پی کے بغیر ایک افطار پارٹی کے علاوہ کچھ نہیں تھا۔

پاکستان پیپلز پارٹی کی مرکزی سیکریٹری اطلاعات نے کہا تھا کہ حیرت ہوئی پی ڈی ایم کے اجلاس کے بعد فضل الرحمان نے استعفوں کا اعلان نہیں کیا۔

شازیہ مری نے یہ بھی کہا تھا کہ آج پی ڈی ایم توڑنے پر ایک دوسرے کو واہ واہ کہنے کیلئے ن لیگ اور جے یو آئی نے اجلاس بلایا، پی ڈی ایم اجلاس کے بعد نہ کوئی اعلان ہوا نہ لائحہ عمل بتایا گیا۔