پاکستان کی بہترین اداکارہ کون؟ ڈائریکٹر یاسر نواز نے بتا دیا

پاکستان کے معروف اداکار، ڈائریکٹر، پروڈیوسر و اسکرین رائٹر یاسر نواز ںے بتا دیا کہ کونسی اداکارہ بہترین اداکارہ ہیں۔

یاسر نواز نے حال ہی میں اہلیہ، سابق ادکارہ و میزبان ندا یاسر کے ہمراہ ایک شو میں بطور مہمان شرکت کی تھی۔

سوشل میڈیا پر ایک انٹرویو کی ویڈیو گردش کر رہی ہے، جس میں میزبان نے اداکار سے سوال کیا کہ کونسی اداکارہ کو آپ بہترین اداکارہ قرار دینگے؟

میزبان کے جانب سے کیے جانے والے سوال پر یاسر نواز نے اداکارہ سجل علی کو پاکستانی ٹی وی و فلم انڈسٹری کی بہترین اداکارہ قرار دیا۔

یاسر نواز کا کہنا تھا کہ سجل علی کا چہرہ اور اداکاری دونوں ہی بہت بہترین ہیں۔

اداکار نے کہا کہ سجل علی اسکرین پر نہایت خوبصورت نظر آتی ہیں اور چہرے کے بہت بہترین تاثرات بھی دیتی ہیں۔

یاسر نواز نے مزید کہا کہ سجل علی پہلے نمبر پر ٹی وی اسکرین اور دوسرے نمبر پر سلور اسکرین پر اچھی لگتی ہیں۔