پیپلز پارٹی کے رہنماء نثارکھوڑو نے کہا ہے کہ پی ڈی ایم کا مقصد موجودہ حکومت کو نکالنا ہے۔

تفصیلات کے مطابق پیپلز پارٹی کے رہنماء نثارکھوڑو نے پروگرام “بس بہت ہو گیا ” میں گفتگو کرتے ہوئے کہا کہ پی ڈی ایم موجود ہے تو استعفوں کی بات کیوں نہیں کرتے ،پیپلزپارٹی سے استعفے دینے پر اسرار کیوں کرتے تھے۔

نثارکھوڑو نے کہا کہ پی ڈی ایم نے حالیہ اجلاس کے بعد استعفے دینے کا اعلان کیوں نہیں کیا؟۔

پیپلز پارٹی کے رہنماء کا کہنا تھا کہ کیوں استعفوں کے بعد ہی لانگ مارچ کا آپشن رکھا گیا؟۔

انہوں نے یہ بھی کہا کہ وزیراعظم نے کہا اپوزیشن اکھٹی ہوتی تو شاید مجھے نکال دیتی ،عمران خان کا بیان نااہلی کا اعتراف تھا۔

پیپلز پارٹی کے رہنماء کا کہنا تھا کہ پیپلزپارٹی نے پی ڈی ایم بنائی تھی، اب پیپلزپارٹی ہی نہیں رہی۔

اس موقع پر مسلم لیگ ن کے رہنماء رانا تنویر نے کہا کہ پیپلزپارٹی بھی اس جدوجہد میں شریک ہوتی تو اثر زیادہ ہوتا۔

انہوں نے کہا کہ ابھی بھی سمجھتا ہوں پیپلزپارٹی اور ن لیگ کامقصد ایک ہے۔

مسلم لیگ ن کے رہنماء رانا تنویر نے مزید کہا کہ عدم اعتماد کے کامیاب ہونے کے امکانات کم تھے۔