وزیرتعلیم سندھ سعیدغنی نے کہا کہ سندھ میں گیس اور بجلی کا شدید بحران ہے۔

تفصیلات کے مطابق وزیرتعلیم سندھ سعید غنی نے کہا کہ پی ٹی آئی کے کسی اعلان پر عمل درآمد نہیں ہوا ، پی ٹی آئی نے اعلان تو نوکریوں اور گھروں کا کیا تھا ، گندم کی کمیشن رپورٹ آئی ، کیا اس پر کارروائی ہوئی ، کمیشن رپورٹ میں پی ٹی آئی کے اے ٹی ایمزملوث ہیں۔

انہوں نے کہا کہ سی سی آئی میں متنازع مردم شماری کی منظوری دی گئی ، وفاق وہ سب کچھ کررہا ہے جس سے سندھ  کو نقصان ہو ، سندھ کی عوام احساس محرومی کا شکار ہورہی ہے۔

وزیرتعلیم سندھ نے کہا کہ نیب پیپلزپارٹی اورن لیگ کےلوگوں کو گرفتارکرنےمیں ایک منٹ نہیں لگاتی بجٹ میں جو اعلانات ہوئے دیکھتے ہیں کتنے پورے ہوتے ہیں۔

سعیدغنی نے کہا کہ یہاں نئے نئے وزیرآتے ہیں ، اپنی پالیسی لاتے ہیں اورفارغ ہوجاتے ہیں ، عوام کی جیبوں سے نالائق حکومت نے 3 سالوں میں ایک ہزارارب نکالے۔

انہوں نے کہا کہ چینی کمیشن کے بعد فرانزک کیا گیا،اب اسکی تحقیقات علی ظفرکریں گے ، علی ظفر اب بتائیں گے انکے لوگوں نے چور بازاری کی یا نہیں ، ایک رات میں پٹرول بڑھا دیا اس پر بھی تحقیقات نہیں ہوئیں۔