اسلام آباد ہائیکورٹ میں نواز شریف، مریم نواز اور کیپٹن صفدر کی سزا کیخلاف اپیلوں پر آج سماعت ہوگی۔

تفصیلات کے مطابق جسٹس عامر فاروق اور جسٹس محسن اختر کیانی پر رکنی بینچ کیس کی سماعت کرے گا،اور مریم نواز اور کیپٹن ریٹائرڈ صفدر عدالت میں پیش ہونگے۔

ذرائع کے مطابق مریم نواز کی پیشی کے پیش نظر سخت سیکورٹی انتظامات کیے گئے ہیں، عدالتی معاون لیگی سینیٹر اعظم نذیر تارڑ دلائل جاری رکھیں گے  اور نواز شریف کے اشتہاری ہونے کے بعد ان کی اپیلوں کے مستقبل سے متعلق دلائل دیں گے۔

واضح رہے کہ نیب نے نواز شریف کی غیر موجودگی میں اپیلیں میرٹ پر خارج کرنے کی استدعا کررکھی ہے۔