پاکستان سپر لیگ کے چھٹے ایڈیشن کے پندرہویں میچ میں اسلام آباد یونائیٹڈ نے لاہور قلندرز کو جیت کے لئے 144 رنز کا ہدف دے دیا ہے۔

ابوظبی کے شیخ زید اسٹیڈیم میں کھیلے جانے والے میچ میں لاہور قلندرز نے ٹاس جیت کر اسلام آباد یونائیٹڈ کو بیٹنگ کی دعوت دی۔

قلندرز کے جیمز فولکنر نے یونائیٹڈ نے  مضبوط بیٹنگ لائن کو ابتدا میں ہی مشکلات میں ڈال کر تین کھلاڑیوں کو پویلین تک پہنچایا۔

اسلام آباد یونائیٹڈ کی وکٹیں گرتی رہیں اور  اختتامی لمحات میں فہیم اشرف نے ٹیل اینڈرز کے ساتھ مل کر اسکور کو 143 تک پہنچا دیا ، یونائیٹڈ کی جانب سے فہیم اشرف 27 رنز  بنا کر نمایاں رہے ۔

لاہور قلندز کی جانب سے جیمز فولکنر نے 3 وکٹیں لیں جبکہ احمد دانیال اور حارث رؤف  2 ،2 وکٹ لے سکے۔

یاد رہے کہ کورونا کی وجہ سے ملتوی ہونے کے بعد اب پی ایس ایل کے چھٹے ایڈیشن کے بقیہ میچز آج سے ابوظبی میں شروع ہوگئے ہیں۔