پاکستان کرکٹ بورڈ اور ابوظہبی انتظامیہ کےدرمیان ڈیڈ لاک برقرار ہے۔

تفصیلات کے مطابق ابوظہبی انتظامیہ بھارتی براڈ کاسٹرز کے 10 روزہ قرنطینہ پر بضد ہے جبکہ پی سی بی کے اعلیٰ  افسران ابو ظہبی حکام کو منانے کیلئے کوشاں ہیں۔

پی سی بی انتظامیہ کے متعلقہ حکام نے بھارتی براڈ کاسٹرز کے 7روزہ قرنطینہ کی درخواست کی ہے۔

ذرائع کے مطابق ابو ظہبی حکام نے 7 روزہ قرنطینہ کی اجازت دی تو ایونٹ 7 جون سے شروع ہو سکے گا مگر اجازت نہ ملنے کی صورت میں ایونٹ کو مزید آگے بڑھایا جائے گا۔

واضح رہے کہ گزشتہ روز ابوظہبی کی وزارت صحت نے بھارتی براڈ کاسٹرز کو ایس او پیز کی خلاف ورزی کرنے  پر ہوٹل سے نکال کر دبئی بھیج دیا تھا۔