آل پاکستان آئل ٹینکرز کنٹریکٹرز ایسوسی ایشن کی جانب سے ملک گیر ہڑتال کا اعلان کیا گیا ہے۔

 ہڑتال کے پہلے روز ہی  کنٹریکٹرز کی جانب سے ملک بھر میں تیل کی ترسیل بند کردی گئی ہے۔

 تفصیلات کے مطابق احتجاج کے طور پر ٹینکرز سروس  لوڈنگ آف لوڈنگ بند کی جارہی ہے جبکہ جو ٹینکرز ملک بھر میں جہاں ہیں انھیں وہیں روک دیا گیا ہے۔

عابد ﷲ آفریدی کا کہنا ہے کہ انکم ٹیکس ریٹ 3 فیصد سے 2 فیصد کیا جائے ، جبکہ جنرل سیکریٹری آئل ٹینکرز کا کہنا ہے کہ  کمرشل لوڈنگ روکنے کا اوگرا نوٹیفکشن پر عمل درآمد کیا جائے۔

واضح رہے کہ کیماڑی ٹرمینل جانے والی گاڑیوں کو بھی روکا جارہا ہے۔