حکومت اور آئی ایم ایف کے درمیان چھٹے جائزے  کے حوالے سے مذاکرات جاری ہیں ، آئی ایم ایف اور پاکستان کے درمیان تکنیکی سطح کے مذاکرات کا دور شروع ہوگیا ہے۔

ذرائع  وزارت خزانہ  کے مطابق مذاکرات کی کامیابی پر آئی ایم ایف ستمبر میں پاکستان کو 75 کروڑ ڈالر دے گا جبکہ آئی ایم ایف کے پروگرام کو جاری رکھنا پاکستان کی ضرورت ہے۔

ذرائع کا کہنا ہے کہ بجٹ میں عوام اور بالخصوص کاروباری طبقے کو ریلیف فراہم کرنے کیلئے اقدامات کئے جارہے ہیں ، آئی ایم ایف کی سخت شرائط کی وجہ سے مہنگائی میں اضافہ ہوا ہے۔

کورونا وباء کی وجہ سے معیشت کو درپیش چیلنجز سے آئی ایم ایف کو آگاہ کیا ہے۔

واضح رہے کہ توسیعی فنڈ سہولت کے تحت اب تک پاکستان کو 1.95 ارب ڈالر دیئے گئے ہیں۔