سندھ حکومت کے ترجمان و مشیر  قانون مرتضیٰ وہاب نے ملک میں بڑھتی ہوئی شدید  مہنگائی پر ردعمل دیا ہے۔

 تفصیلات کےمطابق سندھ حکومت کے ترجمان مشیر  قانون مرتضیٰ وہاب نے کہا کہ پاکستان کی تاریخ میں اتنی مہنگائی، بیروزگاری اور بدحالی نہیں ہوئی جتنی پی ٹی آئی کے دور میں ہوئی ہے۔

 بیرسٹر مرتضیٰ وہاب نے کہا کہ سلیکٹیڈ حکومت نے مہنگائی کے تمام ریکارڈ توڑ دئیے، کھانے پینے کی اشیاء کی قیمتوں میں کئی گنا اضافہ ہوچکا ہے۔

 انہوں نے یہ بھی کہا کہ بدترین مہنگائی پر حکومتی ترجمانوں نے خاموشی اختیار کرلی ہے۔ سرکاری ترجمانوں کے مہنگائی پر قابو پانے کے دعوے کہاں گئے ؟

ترجمان مشیر  قانون مرتضیٰ وہاب نے کہا کہ نااہل سرکار نے عوام کا جینا دو بھر کردیا ہے، پیپلزپارٹی پہلے روز سے کہہ رہی ہے کہ یہ حکومت جھوٹ کے سہارے کھڑی ہے۔

بیرسٹر مرتضیٰ وہاب نے یہ بھی کہا کہ بدترین مہنگائی کی ذمہ دار حکومت کو اقتدار میں رہنے کا کوئی حق نہیں ہے۔