وزیراعظم کی مشیر برائے سماجی بہبود ڈاکٹر ثانیہ نشتر نے کہا کہ وزیراعظم آج اسلام آباد میں پہلے ون ونڈو احساس سینٹر کا افتتاح کریں گے۔

تفصیلات کے مطابق وزیراعظم کی مشیر برائے سماجی بہبود ڈاکٹر ثانیہ نشتر نے کہا کہ وزیراعظم کو ون ونڈو سینٹر اور احساس ون ونڈو اقدام پر بریفنگ دی جائے گی۔

وزیراعظم کی مشیر برائے سماجی بہبود نے کہا کہ ستارہ مارکیٹ اسلام آبادمیں پہلا ون ونڈو احساس سینٹر قائم کیا گیا ہے ، اس مرکز میں ایک ہی جگہ پر احساس کی تمام سہولیات و  خدمات تک رسائی ممکن ہوگی۔

انہوں نے کہا کہ احساس کے ون ونڈو اقدام کے چھ جزو ہیں، احساس ون ونڈو مرکز اس کاپہلا جزو ہے۔

ڈاکٹر ثانیہ نشتر نے کہا کہ ون ونڈو اقدام کے دیگر اجزاء میں ڈیجیٹل انفارمیشن و سروسز پلیٹ فارم،موبائل ایپ، بیک آفس کا مجموعی ڈیجیٹل انٹرفیس، مربوط ڈیٹا بیس اوریکساں ومربوط بینیفیشری ٹارگٹنگ پالیسی شامل ہیں۔