وزیراعلیٰ پنجاب سردار عثمان بزدار نے کہا ہے کہ مایوسی کا شکار اپوزیشن عوام کو گمراہ نہیں کرسکتی۔

تفصیلات کے مطابق وزیراعلیٰ پنجاب سردار عثمان بزدار سے صوبائی وزیر توانائی ڈاکٹر اختر ملک کی ملاقات ہوئی جس میں ڈاکٹر اختر ملک نے صوبائی بجٹ میں عوامی ریلیف پر وزیراعلیٰ عثمان بزدار کے ٹھوس اقدامات کو سراہا۔

وزیراعلیٰ پنجاب نے کہا کہ تحریک انصاف کی حکومت کے نئے مالی سال 2021-22ء کا بجٹ عوام کی امنگوں کا ترجمان ہے۔

سردار عثمان بزدار نے یہ بھی کہا کہ وسائل کے اندر رہتے ہوئے عوام کو ریلیف دینے کی پوری کوشش کی ہے۔

وزیراعلیٰ پنجاب کا کہنا تھا کہ غیر ضروری اخراجات کو کم کرنے کیلئے اقدامات کئے گئے ہیں، حقیقت پسندانہ ترقیاتی پروگرام میں صوبے کے عوام کی ضروریات کو ترجیح دی ہے۔

سردار عثمان بزدار کا ہ بھی کہنا تھا کہ تاریخ میں پہلی بار جنوبی پنجاب کی ترقی کے لئے علیحدہ اے ڈی پی بک مرتب کی گئی ہے-

وزیراعلیٰ پنجاب نے کہا کہ اپوزیشن نے ہر قومی مسئلے پر عوام کو مایوس کیا ہے۔

سردار عثمان بزدار نے یہ بھی کہا کہ اپوزیشن مخالفت برائے مخالفت عوام دوست بجٹ پر سیاست چمکا رہی ہے-

وزیراعلیٰ پنجاب سردار عثمان بزدار نے مزید کہا کہ پی ڈی ایم کے پہلے بھی جلسے ناکام رہے، اس ٹولے کو اب ترقی مخالف سیاست سے توبہ کر لینی چاہیے۔