عثمان بزدار کا کہنا ہے کہ پاکستانی قوم معرکہ کارگل کے ہیرو لالک جان شہید کی عظیم قربانی کو خراج عقیدت پیش کرتی ہے۔

تفصیلات کے مطابق وزیر اعلیٰ پنجاب سردار عثمان بزدار نے حوالدار لالک جان شہید نشان حیدر کے یوم شہادت کے موقع پر پیغام دیتے ہوئے کہا ہے کہ حوالدار لالک جان شہید نے ملک و قوم کے دفاع کی خاطر جام شہادت نوش کیا ہے، حوالدار لالک جان شہید نے معرکہ کارگل میں اپنی جان کا نذرانہ پیش کیا مگر ملک پر کوئی آنچ نہیں آنے دی۔

انھوں نے کہا ہے کہ حوالدار لالک جان شہید نے وطن کے دفاع کیلئے جگر ی سے دشمن کا مقابلہ کیا ہے، شہید نے اپنی قیمتی جان وطن پر نچھاور کرکے دشمن کے مذموم عزائم کو ناکام بنایا تھا، وطن پر اپنی جان نچھاور کرنے والے یہ شہداء ہمارے دلوں میں ہمیشہ زندہ ہیں اور زندہ رہیں گے۔

عثمان بزدارنے مزید کہا ہے کہ وطن پر اپنی جان نچھاور کرنے والے یہ شہداء ہمارے دلوں میں ہمیشہ زندہ ہیں اور زندہ رہیں گے، وطن کیلئے اپنی جانیں نچھاور کرنے والوں کی لازوال قربانیوں کو کبھی فراموش نہیں کیا جاسکتا ہے، حوالدار لالک جان کی شہادت ہمیں درس دیتی ہے کہ وطن عزیز کی حفاظت کیلئے کسی قسم کی قربانی سے دریغ نہیں کرنا چاہیئے۔