شیخ رشید کا کہنا ہے کہ اپنی سر زمین کو کسی کیخلاف استعمال نہیں ہونے دیں گے۔

تفصیلات کے مطابق وفاقی وزیرداخلہ شیخ رشید نے راولپنڈی میں میڈیا سے گفتگو کرتے ہوئے کہا ہے کہ ایک دفعہ نہیں بلاول تین دفعہ امریکہ جائے عمران خان پانچ سال پورے کرے گا۔

ان کا کہنا ہے کہ افغانستان میں ہم امن کے خواہش مند ہیں، جو افغانستان کے لوگ فیصلہ کریں گے وہ ہمیں قبول ہو گا۔

شیخ رشید نے کہا ہے کہ آرمی چیف خود امن کیلئے اقدامات کر رہے ہیں، ویکسینیشن والے لوگوں کیلئے طورخم بارڈر کھلا ہے۔

وفاقی وزیرداخلہ نے کہا ہے کہ پی ڈی ایم ختم ہو چکی ہے، آزاد کشمیر الیکشن کے بعد اپوزیشن حکومت کے تعلقات ٹھیک ہوں گے۔

ان کا کہنا ہے کہ آزاد کشمیر میں حکومت عمران خان ہی بنائیں گے، عمران خان کے ساتھ خود بھی کشمیر کمپین پر جائوں گا۔

ان کا مزید کہنا ہے کہ نالہ لائی منصوبہ تین سال میں مکمل ہو رہا ہے، غریب لوگوں کی تقدیر بدلی جارہی ہے، ہندوستان سے اس وقت کوئی بات نہیں ہوتی پانچ اگست کا قانون واپس نہیں لیا جاتا ہے، آزاد کشمیر کا کیس عمران خان اقوام متحدہ سمیت دنیا میں اٹھایا ہے۔