حلیم عادل شیخ کا کہنا ہے کہ پورے حیدرآباد کا کچرہ پھلیلی کینال میں ڈالا جارہا ہے۔

تفصیلات کے مطابق پی ٹی آئی رہنما حلیم عادل شیخ نے کاشتکاروں کی شکایات پر پی ٹی آئی رہنمائوں کے ہمراہ پھلیلی کینال کا دورہ کیا دورے کے دوران بدین ٹنڈو محمد، ٹنڈو الہیار کے کاشتکاروں نے ٹیل تک پانی نہ پہچنے کی شکایت کی، شکایات سن کر انھوں نے کہا کہ  پھلیلی کینال میں پانی پورا آرہا ہے نہر فل ہے۔

انھوں نے کہا کہ نہر میں ڈائریکٹ آوٹ لیٹ کی وجہ سے پانی چوری کیا جاتا ہے، بااثر سیاستدانوں اور سندھ کے شاہی خاندانوں کو ڈائریکٹ آوٹ دینے سے بدین میں ٹیل کے کاشتکار پریشان ہیں۔

پی ٹی آئی رہنما  نے کہا کہ بااثر لوگوں کو ڈائریکیٹ آوٹ لیٹ کے ذریعے پانی دیا جارہا ہے، پانی کی غیر منصافہ تقسیم کی وجہ ٹیل کے کاشتکاروں کو پانی نہیں مل رہا ہے، پھلیلی کینال سے بدین،  ٹنڈوالہیار کی عوام بھی یہ پانی پیتے ہیں۔

ان کا مزید کہنا ہے کہ پھلیلی کینال میں گٹروں کا پانی اور کچرہ ڈالنے سے بیماریاں جنم لے رہی ہیں، پیدا ہونے والی بیماریوں کی ذمہ دار سندھ حکومت اور شاہی خاندان ہیں، گٹر لائنوں کے پائپ بھی پھلیلی کینال میں ڈالے گئے ہیں۔