وفاقی وزیر علی امین گنڈاپور نے کہا ہے کہ عمران خان نے مودی کا اصل چہرہ بے نقاب کیا ہے۔

تفصیلات کے مطابق وفاقی وزیر علی امین گنڈاپور نے راولاکوٹ میں جلسے سے خطاب کرتے ہوئے کہا کہ عمران خان آپ سب کی جنگ لڑ رہے ہیں۔

وفاقی وزیر نے کہا کہ آپ لوگوں نے ن لیگ اور پیپلز پارٹی کو موقع دیا ہے،تین بار وزیراعظم بننے کے بعد یہ لوگ یہاں اسپتال بھی نہیں بنا سکے۔

علی امین گنڈاپور نے یہ بھی کہا کہ ان لوگوں نے پاکستان سے پیسا لوٹا اور کہا یہ ہماری جائیداد نہیں، یہاں پر ہم ان پارٹیوں سے بھی حساب لیں گے۔

[amazonad category=”Electronics”]

وفاقی وزیر کا اپنے بیان میں کہنا تھا کہ مریم نواز کہتی ہیں یہاں دھاندلی ہوگی جبکہ بھارتی وزیراعظم تو ان کی پارٹی کا ہے۔

علی امین گنڈاپور کا یہ بھی کہنا تھا کہ مودی ہمارے لوگوں کو شہید کررہا ہے اور یہ لوگ اسے شادی میں بلاتے ہیں، مودی کا یار وہی ہے جو اس سے رشتے جوڑتا ہے۔

وفاقی وزیر علی امین گنڈاپور کا مزید کہنا تھا کہ ہم کشمیر کو 500 ارب دیں گے، آپ کے ہر نمائندے کو کم از کم 4 سے 5 ارب روپے کا فنڈ دیں گے۔