25  ویں چیف آف دی نیول اسٹاف اوپن گالف چیمپیئن شپ کی اختتامی تقریب کا انعقاد کیا گیا۔

تفصیلات کے مطابق چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے اور چیمپیئن شپ کے آخری روز شاندار کھیل کے بعد محمد شبیر اقبال نے ایونٹ کے فاتح کا اعزاز اپنے نام کر لیا۔

اس تقریر میں چیف آف دی نیول اسٹاف ایڈمرل محمد امجد خان نیازی نے کہا کہ چیمپیئن شپ کے انعقاد سے شائقین اور کھلاڑیوں کو بہترین تفریح میسر ہوئی ہے اور ہم ملک میں کھیلوں کے ذریعے صحت مند سرگرمیوں کے فروغ کے لئے مسلسل کوشاں ہیں۔

ترجمان پاک بحریہ کے مطابق تقریب کے اختتام پر نیول چیف نے جیتنے والوں میں انعامات تقسیم کیے ہیں، چیمپیئن شپ کی انعامی رقم 8.5 ملین روپے رکھی گئی تھی، چیمپیئن شپ کا انعقاد کراچی گالف کلب میں 8 سے 11 جولائی تک کیا گیا۔