پاکستان شوبز انڈسٹری کے اداکار فیروز خان کی بہن دُعا ملک کے شوہر نے اپنے نومولود بیٹے کو خوبصورت دُعا دے دی۔

دُعا ملک کے شوہر سہیل حیدر نے فوٹو اینڈ ویڈیو شیئرنگ ایپ انسٹاگرام پر ایک خوبصورت تصویر شیئر کی ہے۔

پوسٹ کی جانے والی تصویر میں دیکھا جا سکتا ہے کہ اُنہوں نے بیٹے کا ننھا سا ہاتھ تھاما ہوا ہے۔

سہیل حیدر نے تصویر کے کیپشن میں لکھا کہ بیٹا! میں تم سے بہت محبت کرتا ہوں۔

اُنہوں نے لکھا کہ اللّہ تعالیٰ تمہیں ایک ایسا نیک انسان بنائے جو سب کی عزت کرے، آمین۔

گزشتہ روز حمیمہ ملک نے اپنے سوشل میڈیا پیغام کے ذریعے بتایا تھا کہ اُن کی بہن دُعا ملک کے ہاں بیٹے کی پیدائش ہوئی ہے۔

بیٹے کی پیدائش پر حمیمہ ملک نے اپنی بہن دُعا ملک کو مبارکباد دی تھی اور ڈھیر ساری نیک خواہشات کا اظہار بھی کیا تھا۔

حمیمہ ملک نے لکھا تھا کہ الحمداللّہ! ہماری فیملی میں ایک اور فرد کا اضافہ ہوگیا ہے۔

واضح رہے کہ گزشتہ سال دعا ملک نےاسلام کی خاطر شوبز چھوڑنے کا اشارہ دیا تھا۔