سابق وفاقی وزیر پیڑولیم ڈاکٹر عاصم حسین کی اہلیہ ڈاکٹر زرین حسین کی نماز جنازہ ادا کردی گئی ہے۔

تفصیلات کے مطابق ڈاکٹر زرین حسین کی جسد خاکی کو رہائش گاہ سے سپر ہائی وے پر واقع ضیاء الدین یونیورسٹی کیمپس کی مسجد میں لایا گیا اور وہاں ان کی نماز جنازہ ادا کی گئی۔

ذرائع کا کہنا ہے کہ ڈاکٹر زرین حسین کی تدفین مسجد سے متصل احاطے میں کی گئی ہے، ڈاکٹر زرین حسین ہفتہ کے روز طویل علالت کے بعد رضائے الٰہی سے کراچی میں انتقال کرگئی تھیں۔

واضح رہے ڈاکٹر عاصم حسین کے صاحبزادے کی بیرون ملک فلائٹ میں تاخیر کے باعث اتوار کو تدفین ملتوی کردی گئی تھی۔