ڈی جی رینجرز سندھ میجر جنرل افتخار حسن چوہدری نے کہا ہے کہ امن و امان کا کریڈٹ پاک فوج، رینجرز اور پولیس کے جوانوں کو جاتا ہے۔

تفصیلات کے مطابق کراچی کے ڈی جی رینجرز ایم اے جناح روڈ پہنچ گئے جہاں انہوں نے یومِ عاشور کے مرکزی جلوس کی سیکیورٹی کا جائزہ لیا ہے۔

میجر جنرل افتخار حسن چوہدری نے کہا کہ سیکیورٹی کے لئے تمام ذرائع کا استعمال کیا جارہا ہے، زمینی کے ساتھ ساتھ فضائی مانیٹرنگ بھی کی جارہی ہے۔

ان کا کہنا تھا کہ کنٹرول روم میں تمام مکاتبِ فکر کی نمائندگی موجود ہے، کنٹرول روم سے کراچی سمیت پورے صوبے کی مانیٹرنگ کی جارہی ہے۔

ڈی جی رینجرز سندھ نے کہا کہ کنٹرول روم کا مقصد تمام مکاتبِ فکر کی موجودگی میں معاملات کو افہام و تفہیم سے حل کرنا ہے، اس سال پہلے سے زیادہ نفری سیکیورٹی پر لگائی گئی ہے۔

ڈی جی رینجرز سندھ میجر جنرل افتخار حسن چوہدری نے کہا کہ کمیونٹی اور اسکاؤٹس نے بھی امن و امان کی بحالی میں بھرپور کردار ادا کیا ہے۔