ایڈمنسٹریٹر کراچی مرتضیٰ وہاب نے کہا ہے کہ تین سال گزر چکے ہیں لیکن گرین لائن ابھی تک نہیں چلی۔

تفصیلات کے مطابق اپنے ایک بیان میں مرتضیٰ وہاب نے کہا کہ مارچ 2018 میں (ن) لیگ حکومت نے کہا تھا کے گرین لائن منصوبہ مکمل ہوگیا ہے بطورِ وزیراعظم عمران خان نے بھی 2018 میں اعلان کیا کے 6 ماہ میں گرین لائن منصوبہ شروع ہوجائے گا لیکن گرین لائن ابھی تک نہیں چلی۔

ان کا کہنا تھا کہ وفاق کو اعلان کرنے سے گریز کرنا چاہیئے کام ہوجائے گا تو عوام کو نظر آجائے گا۔

ترجمانِ سندھ حکومت اور ایڈمنسٹریٹر کراچی مرتضیٰ وہاب نے مزید کہا کہ وزیراعظم کی آمد کے حوالے سے مجھے یا وزیراعلیٰ کو کوئی آگاہی نہیں تھی، وزیراعظم نے صرف ایک پروگرام میں شرکت کی، کراچی کی ترقی کے حوالے سے کوئی میٹنگ نہیں تھی۔