پاکستان مسلم لیگ (ن) پنجاب کے صدر رانا ثناءاللہ خان نے کہا ہے کہ جو بائیڈن کو ایک فون کال کی اپیل کرنے والوں کے مشوروں کی نواز شریف کو بالکل ضرورت نہیں ہے۔

تفصیلات کے مطابق پاکستان مسلم لیگ (ن) پنجاب کے صدر رانا ثناءاللہ خان نے وزیر داخلہ شیخ رشید کے بیان پر ردعمل دیتے ہوئے کہا کہ چپڑاسی نے جب سے وزیر داخلہ کی ذمہ داری سنبھالی ہے امن وامان کا حال ریلوے اور اس کے حادثات والا ہو گیا ہے۔

ان کا کہنا تھا کہ راولپنڈی کا شیطان ایک مشورہ اپنے سابق باس مشرف کو بھی دے جو پاکستان سے بھاگا ہوا ہے۔

رانا ثناءاللہ نے کہا کہ سیاسی پناہ گزین اپنے ٹانگے کی فکر کریں جو کوچوان بھاگنے والا ہے۔

پاکستان مسلم لیگ (ن) پنجاب کے صدر رانا ثناءاللہ خان کا مزید کہنا تھا کہ نوازشریف کو دو آپشن دینے والوں کے اپنے ہی لئے تمام آپشن ختم ہو چکے ہیں۔