معروف بھارتی اداکار گورو ڈکشٹ کو نارکوٹکس کنٹرول بیورو (این سی بی) نے باضابطہ طور پر منشیات رکھنے کے الزام میں گرفتار کرلیا ہے۔

غیر ملکی خبر رساں ادارے کے مطابق، این سی بی نے گورو ڈکشٹ کے اداکار اعجاز خان سے تعلقات ہونے پر ان کی رہائش گاہ لوکھنڈ والا پر چھاپہ مارا۔

اداکار گورو ڈکشٹ کے گھر سے میفیڈرون (ایم ڈی) اور چرس ملنے پر انہیں گرفتار کیا گیا۔

منشیات کیس کے معاملے میں این سی بی کی جانب سے اعجاز خان کی 8 گھنٹے تک تفتیش کی گئی جس کے بعد اُنہیں گرفتار کرلیا گیا تھا۔

تلاشی کے دوران اعجاز خان کی رہائش گاہ سے الپرازولم کی گولیاں برآمد ہوئی تھیں۔

خیال رہے کہ برآمد ہونے والی منشیات کی قیمت بھارتی روپے کی قیمت کے حساب سے 1.5 لاکھ سے زائد ہے اور یہ 3 اپریل 2021 کو لائی گئی تھیں۔

واضح رہے کہ ممبئی ایئرپورٹ سے نارکوٹکس کنٹرول بیورو (این سی بی) کی ٹیم نے بھارتی رئیلیٹی شو بگ باس کے سیزن 7 کے کنٹسنٹنٹ اور اداکار اعجاز خان کو منشیات کیس میں حراست میں لیا تھا۔