شہد کی مکھیوں نے مقامی شہریوں پر حملہ کر دیا جس کے نتیجے میں ایک شخص ہلاک ہو گیا ہے۔

غیر ملکی خبر رساں ادارے کے مطابق امریکی ریاست ایریزونا میں یہ واقعہ اس وقت پیش آیا جب ٹوسان میں گھر کے پاس موجود درخت پر مکھیوں کے چھتے کو چھیڑا گیا، جس پر وہ مشتعل ہو گئیں۔

انتظامیہ کا کہنا ہے کہ 100 پاونڈ وزنی اس چھتے پر سیکڑوں مکھیاں موجود تھیں، جنہوں نے 5 افراد کو سو سے زائد مرتبہ ڈنک مار کر زخمی کیا، زخمیوں میں 3 فائر فائٹرز کے اہلکار بھی شامل ہیں۔

تاہم طبی امداد کے لیے تمام افراد کواسپتال منتقل کر دیا گیا ہے۔

خیال رہے کہ واقعہ کے فوری بعد علاقے کو مکمل سیل کر کے چھتے کو ہٹا دیا گیا جبکہ تمام مکھیوں کو بھی مار دیا گیا ہے ۔