طالبان فوجی کمیشن مولوی محمد یعقوب نے کہا ہے کہ انتہائی سنجیدگی اور خلوص کے ساتھ عوام کی خدمت کریں گے۔

تفصیلات کے مطابق اپنے ایک بیان میں مولوی محمد یعقوب کا کہنا تھا کہ میں لوگوں کو یقین دلاتا ہوں کہ ہم ان کی فلاح و بہبود کے لیے ہر ممکن کوشش کریں گے، ہم جانتے ہیں کہ اہلِ وطن نئی حکومت کے اعلان کا انتظار کر رہے ہیں۔

طالبان فوجی کمیشن مولوی محمد یعقوب نے کہا کہ ایک ایسی حکومت بنانے کے لیے ہماری کوششیں اور مشاورت جاری ہے جو مستحکم ہو، ماضی کی قربانیوں کی خواہشات کو پورا کرتی ہو اور تمام افغانوں کی نمائندہ حکومت ہوں۔