ایڈمنسٹریٹر کراچی، مشیر قانون و ترجمان سندھ حکومت بیرسٹر مرتضیٰ وہاب نے محرم الحرام کے دوران سیکورٹی انتظامات کا جائزہ لینے کے لئے شہر کے مختلف مقامات کا دورہ کیا۔

تفصیلات کے مطابق ایڈمنسٹریٹر کراچی مرتضیٰ وہاب نے نمائش چورنگی سے کھارادر تک محرم الحرام کے نویں اور دسویں محرم کے جلوس کے روڑ کا جائزہ لیا۔

مرتضیٰ وہاب نے نشتر پارک کا بھی دورہ کیا جہاں ایڈیشنل آئی جی کراچی نے محرم الحرام کی سیکورٹی کے حوالے سے بریفنگ دی جس دوران منتظمین سے ملاقات بھی کی۔

ایڈمنسٹریٹر کراچی مرتضیٰ وہاب نے نمائش چورنگی، مزار قائد اور متصل علاقوں کا بھی دورہ کیا اور تمام ترسیکیورٹی انتظامات کا جائزہ لیا۔

مرتضیٰ وہاب نے ایم اے جناح روڈ کے اطراف کی سیکورٹی کا بھی جائزہ لیا۔

ایڈمنسٹریٹر کراچی، مشیر قانون و ترجمان سندھ حکومت بیرسٹر مرتضیٰ وہاب نے محرم الحرام کے حوالے سے حکام کو سیکورٹی مزید سخت کرنے کی ہدایات کی۔

واضح رہے دورے میں ایڈشنل آئی جی کراچی عمران یعقوب منہاس، ڈی آئی جی ایسٹ ثاقب اسماعیل، ڈی آئی جی ساؤتھ جاوید اکبر ریاض، ڈی آئی جی ٹریفک اقبال دارا اور دیگر متعلقہ افسران بھی ایڈمنسٹریٹر کراچی مرتضیٰ وہاب کے ہمراہ تھے۔