پاکستان شوبز انڈسٹری کی ہر دلعزیز اداکارہ حرامانی کو ویمن میڈیا ایوارڈ سے نواز دیا گیا۔

تفصیلات کے مطابق پاکستان کی میڈیا انڈسٹری کے لیے خدمات کو سراہتے ہوئے گورنر پنجاب چوہدری محمد سرور نے انہیں ویمن میڈیا ایوارڈ سے نوازا ہے۔

اداکارہ حرامانی نے انسٹاگرام پرگورنر ہاؤس پنجاب میں منعقد ایک تقریب میں گورنر پنجاب چوہدری محمد سرور ویمن میڈیا ایوارڈ وصول کرتے ہوئے اپنی تصاویر شیئر کی ہیں۔

انہوں نے گورنر پنجاب کا شکریہ ادا کرتے ہوئے لکھا کہ بہت شکریہ سرورصاحب آپ کے اس خوبصورت اخلاق کا،میرے کام کو سرہانے کا، اس ایوارڈ کا شکریہ۔

حرا مانی نے پاکستان سے محبت کا اظہار کرتے ہوئے لکھا کہ جیوے پاکستان، شکریہ پاکستان۔

اداکارہ حرا مانی کو شوبز انڈسڑی کے بہت سے دوسرے ساتھیوں  اور مشہور شخصیات کی جانب سے اس اعزاز کے حصول پر مبارکباد دی جا رہی ہے۔