پاکستان شوبز انڈسٹری کی معروف اداکارہ حرا مانی کی اپنے مرحوم والد کے ساتھ کی گئی واٹس ایپ چیٹ وائرل ہوگئی۔

اداکارہ حرا مانی نے فوٹو اینڈ ویڈیو شیئرنگ ایپ انسٹاگرام پر اپنے مرحوم والد کے ساتھ کی گئی یادگار واٹس ایپ چیٹ شیئر کی ہے۔

اداکارہ کی جانب سے شئیر کیے جانے والی واٹس ایپ چیٹ میں دیکھا جا سکتا ہے کہ اداکارہ کے والد اُنہیں اپنی تصویر بھیجتے ہیں اور اُنہیں نماز کی ادائیگی کی تلقین کرتے ہیں۔

حرا مانی کے مرحوم والد نے اُن سے کہا ہے کہ ’بیٹا آپ بھی نماز پڑھا کریں اور دونوں بیٹوں کو بھی نماز پڑھنے کی عادت ڈالیں۔‘

والد کے کہنے پر حرا مانی کہتی ہیں کہ ابو! اب سے روزانہ نماز پڑھا کروں گی۔‘

اداکارہ کے والد نے کہا کہ ’تمہارے چہرے پر جو نور ہے، یہ نماز سے قائم رہے گا بلکہ دگنا ہوجائے گا۔‘

حرا مانی نے اپنی پوسٹ کے کیپشن میں لکھا کہ ’میری زندگی کا نور میرے ابو ہیں۔‘

اداکارہ نے مزید لکھا کہ ’بےشک! نماز میں سکون ہے۔‘

واضح رہے کہ گزشتہ دنوں حرا مانی کے والد سید فرخ جمال انتقال کرگئے۔