وفاقی وزیر برائے بحری امور علی زیدی نے کہا ہے کہ نادرا کے تعاون سے 95 سی فیئررز کو ڈیجیٹل شناخت جاری کردی ہے۔

تفصیلات کے مطابق وفاقی وزیر برائے بحری امور علی زیدی نے ورلڈ میرین ڈے کے موقع پر تقریب سے خطاب کرتے ہوئے کہا ہے کہ یورپی یونین پاکستانی سی فیئررز کے لیے ویزوں کے اجراء کا مسئلہ حل کرے۔

انہوں نے کہا کہ یورپی یونین کے سفیر کو خط ارسال کررہا ہوں، سی فیئررز کے ویزوں کا مسئلہ حل کریں ، کراچی کوسٹل کمپری ہینسیو ڈویلپمنٹ زون پر تنقید کی جارہی ہے ، یہ پروجیکٹ میرین پلوشن کی وجہ سے شروع ہوا ، ہر روز چار سے پانچ ہزار ٹن سالڈ کچرا سمندر میں گررہا ہے ، کراچی میں کوئی سالڈ ویسٹ منجمنٹ کا نظام نہیں ہے۔

علی زیدی نے کہا ہے کہ لیاری ندی اور باقی سارے نالوں سے ساڑھے پانچ سو ملین گندا پانی سمندر میں گررہا ہے ، مارشل لائن کیچڑ سے تباہ ہوچکا ہے ، پورے کراچی کا کچرا یہاں گرتا ہے ، ماحول کو نقصان پہنچ رہا ہے ماہی گیری ختم ہوجائیگی ، پہلے قدم کے طور پر اس پروجیکٹ میں واٹر ٹریٹمنٹ پلانٹ لیاری ندی پر لگے گا۔

وفاقی وزیر برائے بحری امور علی زیدی نے کہا ہے کہ ہر پانی کا قطرہ ٹریٹ ہوکر سمندر میں گرے گا ، میرین پارک بنے گا ، فشریز کو ایک برانڈ نیو اسٹیٹ آف دی آرٹ فشنگ ہاربر اور فش پراسیسس یونٹ بناکردیں گے ، ماحولیاتی ماہرین کو مدعو کریں گے تاکہ ماحولیاتی اثرات کا  جائزہ لیا جاسکے۔