وزیر اعلیٰ پنجاب سردار عثمان بردار آج رات کراچی میں قیام کریں گے۔

تفصیلات کے مطابق وزیر اعلیٰ عثمان بزدار کراچی میں پنجاب ہاؤس میں قیام کریں گے اور کل صبح 11 بجے کراچی سے واپس لاہور روانہ ہوجائیں گے۔

وزیر اعلیٰ پنجاب سردار عثمان بزدار عطا اللہ مینگل کے انتقال پر تعزیت کرنے کے لئے خصوصی طور کراچی پہنچے تھے، ان کا کہنا تھا کہ مرحوم سردار عطاء اللہ مینگل کی خدمات کو تادیر یاد رکھا جائے گا۔

وزیر اعلیٰ پنجاب سردار عثمان بزدار نے بزرگ سیاستدان سردار عطاء اللہ مینگل کے انتقال پر ان کے صاحبزادے سردار اختر مینگل سے دکھ اور افسوس کا اظہار کیا اور مرحوم کی روح کے ایصال ثواب کیلئے فاتحہ خوانی کی۔

زیر اعلیٰ پنجاب سردار عثمان بزدار نے غمزدہ خاندان کے لیے صبر جمیل کی دعا کی۔

وزیر اعلیٰ پنجاب سردار عثمان بزدار نے کہا ہے کہ سردار عطاءاللہ مینگل مرحوم مدبراور وضع دار سیاستدان تھے ، مرحوم سیاست میں ایک الگ مقام رکھتے تھے ، ان کے انتقال پر اہلخانہ کے دکھ میں برابر کے شریک ہیں ، اللہ پاک مرحوم کو اپنے جوار رحمت میں جگہ عطا فرمائے۔