پی ڈی ایم کی حکومت مخالف تحریک شروع ہونے سے پہلے ہی دم توڑنے لگی ہے۔

تفصیلات کے مطابق پی ڈی ایم کے زیراہتمام 26 ستمبر کو ہونے والا کنونشن ملتوی ہوگیا ہے، پی ڈی ایم کنونشن این سی او سی کے ایس او پیز کو مدنظر رکھتے ہوئے ملتوی کیا گیا ہے۔

ذرائع کا کہنا ہے کہ پی ڈی ایم میں شامل جماعتوں کے درمیان کنونشن کی میزبانی اور اخراجات کا معاملہ التواء کی اصل وجہ بنا ہے، اندرونی اختلافات کو چھپانے کے لیے کورونا ایس او پیز کو کنونشن ملتوی کرنے کا جواز بنایا گیا ہے۔

واضح رہے کہ پی ڈی ایم کنونشن 9  یا 10 اکتوبر کو ہوگا تاہم حتمی تاریخ اور جگہ کا اعلان این سی او سی کے پابندیوں سے متعلق نئے اعلامیہ کے بعد کیا جائے گا۔