مسلم لیگ (ن) کے صدر اور قائد حزب اختلاف میاں شہباز شریف نے کہا ہے کہ مہنگائی اور بڑھتی بے روزگاری کی وجہ سے عوام نے مسلم لیگ (ن) پر اعتماد کیا ہے۔

تفصیلات کے مطابق مسلم لیگ (ن) کے قائد میاں محمد نواز شریف اور صدر میاں محمد شہباز شریف کی زیر صدارت گوجرانوالہ ڈویژن کا تنظیمی اجلاس ہوا جس میں مسلم لیگ کے سینئر رہنما احسن اقبال، رانا ثنا اللہ، خواجہ محمد آصف، اویس لغاری، امیر مقام، عطا اللہ تارڑ اور نزہت صادق و دیگر رہنما نے شرکت کی۔

اجلاس میں مریم نواز اور حمزہ شہباز لاہور سے آن لائن شریک ہوئے، اجلاس میں ملکی اور پارٹی صورتحال پہ تبادلہ خیال کیا جارہا ہے۔

اجلاس میں مسلم لیگ (ن) کے صدر میاں شہباز شریف نے خطاب کرتے ہوئے کہا کہ کنٹورنمنٹ بورڈ کے الیکشن میں جیتنے والی پارٹی کو عوام کی خدمت کی بدولت کامیابی ملی، مہنگائی اور بڑھتی بیروزگاری کی وجہ سے عوام نے مسلم لیگ(ن) پر اعتماد کیا۔

مسلم لیگ (ن) کے صدر اور قائد حزب اختلاف میاں شہباز شریف کا کہنا تاھ کہ باقی صوبوں کی عوام کے بھی شکر گزار ہیں جہنوں نے مسلم لیگ (ن) پر اعتماد کیا۔