وزیرخارجہ شاہ محمود قریشی نے کہا ہے کہ افغانستان کی بدلتی صورتحال عالمی برادری کیلئے ایک امتحان ہے۔

تفصیلات کے مطابق وزیرخارجہ شاہ محمود قریشی نے نیویارک میں میڈیا سے گفتگو کرتے ہوئے کہا کہ جنرل اسمبلی اجلاس کےموقع پراہم رہنماؤں سےملاقاتیں ہوئیں ، عالمی رہنماؤں سےافغانستان اورمقبوضہ کشمیر سے متعلق بات چیت ہوئی۔

انہوں نے کہا کہ ترکی اورسعودی وزرائےخارجہ کےساتھ نشست ہوئی ، افغانستان کی بدلتی صورتحال عالمی برادری کیلئےایک امتحان ہے ، یواین کمشنربرائےمہاجرین سے ملاقات ہوئی ، انٹرنیشنل ریڈ کراس کےصدرسےبھی ملاقات کی۔

وزیرخارجہ شاہ محمود قریشی نے کہا کہ افغانستان میں معاشی بحران خطرناک ثابت ہوسکتاہے۔