خیبرپختونخوا میں گزشتہ 24 گھنٹوں میں کورونا وائرس سے 8 افراد انتقال کر گئے ہیں۔

تفصیلات کے مطابق خیبرپختونخوا میں کورونا وائرس سے جاں بحق افراد کی تعداد 5 ہزار 488 ہوگئی ہے، 24 گھنٹوں میں کورونا وائرس سے مزید 268 افراد متاثر ہوئے ہیں۔

محکمہ صحت کا کہنا ہے کہ صوبے میں کورونا کیسز کی مجموعی تعداد 1 لاکھ 72 ہزار 766 ہوگئی، خیبرپختونخوا میں 24 گھنٹوں کے دوران کورونا سے متاثرہ 210 مریض صحت یاب ہوئے ہیں۔

محکمہ صحت کے مطابق صوبے میں کورونا سے صحت یاب افراد کی تعداد ایک لاکھ 61 ہزار 528 ہوگئی ہے، پشاور میں کورونا وائرس سے 4 افراد جاں بحق ہوئے ہیں جس کے بعد پشاورمیں کورونا وائرس سے جاں بحق افراد کی تعداد 2602 ہوگئی ہے۔

محکمہ صحت کا کہنا ہے کہ پشاورمیں کورونا سے 24 گھنٹوں کے دوران مزید 85 افراد متاثر ہوئے، پشاورمیں کورونا کیسز کی تعداد 11 ہزار 243 ہوگئی ہے، صوبے میں ایک دن میں 11 ہزار 418 نئے ٹیسٹ کیے گئے ہیں۔

محکمہ صحت کے مطابق لوہر چترال میں کورونا وائرس سے 24 گھنٹوں کے دوران 29 افراد، مردان  میں 30 افراد اور بنوں میں 24 افراد متاثر ہوئے ہیں۔