پاکستانی ڈرامہ انڈسٹری کی اداکارہ و ماڈل حرا مانی اداکاری کی صلاحیتوں سے مالا مال ہیں اور کافی شوخ مزاج کی بھی مالکن ہیں۔

حال ہی میں اداکارہ حرا مانی کے فوٹو شوٹ کی کچھ تصویریں منظر عام پر آئی ہیں۔

ان تصاویر میں دیکھا جاسکتا ہے کہ اداکارہ حرا مانی نے سرمائی رنگ کا لباس زیب تن کیا ہوا ہے۔

انسٹاگرام پر حرا کی جانب سے پوسٹ کی جانے والی تصاویر میں دیکھا جا سکتا ہے کہ اداکارہ نے لکھا ہے کہ:

کیون زکر تیرا کرتے ہیں یہ ستارے

اس قبل بھی اداکارہ نے اپنی کچھ تصایر سوشل میڈیا اکاؤنٹ پر شیئر کی تھیں۔

ان تصاویر میں اداکارہ ایک گلابی رنگ کے سادہ لباس میں گھر کی گیلری میں کھڑی نظر آرہی ہیں۔

اسکے علاوہ بھی اداکارہ کی آئے دن مختلف انداز میں تصاویر سوشل میڈیا کی زینت بنی نظر آتی ہیں۔

واضح رہے اداکارہ حرامانی کو ویمن میڈیا ایوارڈ سے بھی نوازا گیا ہے۔

پاکستان کی میڈیا انڈسٹری کے لیے خدمات کو سراہتے ہوئے گورنر پنجاب چوہدری محمد سرور نے انہیں ویمن میڈیا ایوارڈ سے نوازا۔

اداکارہ حرامانی نے انسٹاگرام پرگورنر ہاؤس پنجاب میں منعقد ایک تقریب میں گورنر پنجاب چوہدری محمد سرور ویمن میڈیا ایوارڈ وصول کرتے ہوئے اپنی تصاویر شیئر کی تھی۔

انہوں نے گورنر پنجاب کا شکریہ ادا کرتے ہوئے لکھا تھا کہ بہت شکریہ سرورصاحب آپ کے اس خوبصورت اخلاق کا،میرے کام کو سرہانے کا، اس ایوارڈ کا شکریہ۔

حرا مانی نے پاکستان سے محبت کا اظہار کرتے ہوئے لکھا تھا کہ جیوے پاکستان، شکریہ پاکستان۔

اداکارہ حرا مانی کو شوبز انڈسڑی کے بہت سے دوسرے ساتھیوں اور مشہور شخصیات کی جانب سے اس اعزاز کے حصول پر مبارکباد بھی دی گئیں۔