پاکستان بھر میں کاروباری ہفتے کے پانچویں روز سونے کی قیمت میں کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 200 روپے کمی کے بعد 1 لاکھ 13 ہزار 300 روپے ہوگئی ہے جبکہ 10 گرام سونے کی قیمت 172 روپے کمی کے بعد 97 ہزار 136 روپے ہوگئی ہے۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 200 روپے کمی کے بعد 1 لاکھ 13 ہزار 300 روپے ہوگئی ہے جبکہ 10 گرام سونے کی قیمت 172 روپے کمی کے بعد 97 ہزار 136 روپے ہوگئی ہے۔

ایسوسی ایشن کے مطابق عالمی صرافہ بازار میں فی اونس سونا 19 ڈالرز کمی سے 1793 ڈالرز فی اونس ہوگیا ہے۔

دوسری جانب انٹر بینک میں ڈالر کی قیمت میں کاروباری ہفتے کے آخری روز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 05 پیسے کا اضافہ ریکارڈ کیا گیا ہے۔

فاریکس ڈیلرز کے مطابق انٹربینک میں ڈالر 169.03 سے بڑھ کر 169.08 روپے  پر بند ہوا ہے۔

Interbank closing #ExchangeRate for today:https://www.bolnews.com/urdu/latest/2021/09/459297/amp/ pic.twitter.com/FhmhUKVfcF

— SBP (@StateBank_Pak) September 24, 2021

علاوہ ازیں پاکستان اسٹاک ایکسچینج میں کاروباری ہفتے کے آخری روز کاروبار میں مندی کا رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے آخری روز انڈیکس میں زبردست اتار چڑھاؤ رہا تاہم 223 پوائنٹس کی کمی کے باعث انڈیکس 46 ہزار کی حد سے نیچے چلا گیا۔ مارکیٹ پوائنٹس کی کمی سے45 ہزار 73 کی سطح پر بند ہوئی۔

دن بھر مجموعی طورپر 368 کمپنیوں کے شیئرز میں کاروبار ہوا جس میں 231 کمپنیوں کے شیئرزکی قیمتوں میں کمی ہوئی جبکہ 122 کے شیئرز کی قیمتوں میں اضافہ ہوا ہے۔