پاکستان شوبز انڈسٹری کی ہر دل عزیز اداکارہ اقراء عزیز نے بیٹے کبیر کو تحفے میں ملی شرٹ خود پہن لی۔

 اداکارہ اقراء عزیز نے فوٹو اینڈ ویڈیو شئیرنگ ایپ انسٹاگرام اسٹوریز میں بچوں کے معروف کارٹونک کردار ’پوپوائے‘ دی سیلر کی تصویر بنی شرٹ زیب تن کیے ایک تصویر شیئر کی ہے۔

اداکارہ اقراء نے کیپشن میں قہقہے والے ایموجی کے ساتھ اداکار نورالحسن کو ٹیگ کرتے ہوئے کہا کہ شکریہ نور بھائی، یہ شرٹ آپ نے کبیر کو تحفے میں دی تھی لیکن مجھے فٹ آگئی۔

بعد ازاں اقراء کی اس اسٹوری کو  اداکار نور الحسن نےبھی اپنی انسٹاگرام اسٹوری پر شیئر کیا ہے۔

دوسری جانب اداکارہ اقراء عزیز نے بتایا تھا کہ انہوں نے کب سے اور کیسے اداکاری کی دنیا میں قدم رکھا تھا۔

حال ہی میں اداکارہ نے ایک انٹرویو دیا تھا بجس کی ویڈیو سوشل میڈیا پر گردش کر ر ہی ہے۔

انٹرویو میں اداکارہ نے بتایا تھا کہ وہ بہت چھوٹی سی عمر سے ہی اداکاری کا شوق رکھتی تھیں اور اپنی والدہ کا دوپٹہ لے کر اُن سے ساڑھیاں باندھا کرتی تھیں اور بھارتی فلموں کے گانوں پر ڈانس کیا کرتی تھیں، وہ ساڑھی باندھ کر شیشے کے سامنے اداکاری کیا کرتی تھیں۔

اقراء عزیز کا کہنا تھا کہ وہ دسویں کلاس میں تھیں جب وہ پاکستان ڈرامہ انڈسٹری میں آئیں۔

https://87a505d36e.nxcli.net/urdu/wp-content/uploads/2021/07/214867627_499566147822131_5610810783461186470_n.mp4?_=2

اداکارہ نے بتایا تھا کہ اُس وقت انہیں یہ بھی معلوم نہیں تھا کہ یہ شعبہ کیسا ہے، اس کے بارے میں لوگ کیا سوچتے ہیں، اس شعبےکو غلط کہا جاتا ہے یا اچھا مانا جاتا ہے، انہیں شوبزانڈسٹری سے متعلق یہ بھی پتا نہیں تھا۔

انہوں نے بتایا کہ جب وہ اس شعبے میں آئیں تو اُن کے گھر والوں کا بس اتنا ماننا تھا کہ اُن کی بیٹی کو اداکاری کا شوق ہے وہ یہ کام کرنا چاہتی ہیں، اُن کی بیٹی کی یہ خواہش ہے جسے وہ پورا کرنا چاہتی ہیں۔

واضح رہے کہ یاسر حسین نے اقراء عزیز سے اظہارِ محبت 2019ء کے ایک ایوارڈ شو میں کیا تھا جس کے بعد دونوں نے سال 2019ء کی 28 دسمبر کو شادی کر لی تھی تاہم اب ان کے ہاں ایک بیٹا ہے جس کا نام کبیر حسین ہے۔